རྩོམ་པ་པོ: ཨ་གནམ་ཐུབ་བསྟན།

རྒྱལ་བའི་དགོངས་བཅུད་ཐེག་པ་ཀུན་གྱི་མཆོག །
འོད་གསལ་རྫོགས་པ་ཆེན་པོའི་མན་ངག་གིས། །
སྐལ་ལྡན་ཆོས་སྐུར་ཁྲིད་པའི་ཕྲིན་ལས་ཅན། །
བདག་གི་བླ་མ་བདུད་འཇོམས་གླིང་པར་འདུད། །

རྒྱལ་བསྟན་ཉིན་བྱེད་ནུབ་རིར་ཕྱོགས་དུས་འདིར། །
སྙིང་པོའི་གཞུང་ལ་ཐོས་བསམ་བྱེད་པའི་བློས། །
གལ་ཆེན་ཆོས་ཀྱི་ཐ་སྙད་ལ་དཔྱོད་ཕྱིར། །
རང་སེམས་ཀློང་ནས་བརྡོལ་བའི་གཏམ་ཞིག་འགོད། །

སྔོན་གྱི་ལས་དང་སྐལ་བ་བཟང་བོ་ཡིས།།
ཤིན་ཏུ་མཛེས་པའི་འཇིག་རྟེན་མི་ཡུལ་འདིར།།
རང་ཅག་སྐྱེ་བ་བླངས་པའི་བསོད་ནམས་འདི།།
ཞིབ་ཏུ་བསམས་ན་ཡི་རང་བྱ་བའི་གནས།།

ཀ་མད་སུམ་ཅུ་དབྱངས་ཡིག་བཞིས་བྱས་པའི།།
ཁ་བ་ཅན་གྱི་སྐད་ཡིག་རྙིང་བ་འདི།།
ག་དུས་ཡིན་ཀྱང་བེད་སྤྱོད་བྱེད་དགོས་པ།།
ང་ཚོ་བོད་མི་རྣམས་ཀྱི་འོས་འགན་ཡིན།།

གོ་ལ་ཡངས་པའི་དཀྱིལ་འཁོར་དུ།།
ཕྱོགས་བཞིའི་རྒྱལ་ཁབ་སྣ་ཚོགས་དག།
མཛེས་པའི་ཚོམ་བུར་བཀྲ་བ་ལས།།
འོད་མདངས་བཀྲ་བའི་རིན་ཆེན་དང་།།

སྨྲ་བསམ་བརྗོད་བྲལ་ཀུན་ཁྱབ་ཆོས་ཀྱི་དབྱིངས།།
སྐྱེ་དང་འགག་པའི་དྲྭ་བ་ལས་འགོངས་པ།།
ཇི་བཞིན་མཁྱེན་པའི་བདག་ཉིད་ཤེས་རབ་དངོས།།
རྒྱལ་བ་ཀུན་བསྐྱེད་ཡུམ་ཆེན་ལ་ཕྱག་འཚལ།།

ཨ་གནམ་ཐུབ་བསྟན་གྱིས་བརྩམས།

ཟག་བྲལ་མཁྱེན་བརྩེ་སྤྲིན་གྱི་ཀློང་ལས་བྱིན་རླབས་ཆར་ཆེན་ཉེར་འཇོ་རྩ་བརྒྱུད་བླ་མའི་སྡེ། །
ཆོས་ཉིད་རང་རྩལ་ངོམ་པའི་རྣམ་འགྱུར་ཞི་དང་ཁྲོ་བོའི་གར་གྱི་དབང་ཕྱུག་ཡི་དམ་ཚོགས། །
རང་སྣང་རྣམ་དག་མཁའ་སྤྱོད་གྲོང་དུ་ལེགས་པར་འཁྲིད་མཁས་དབྱིངས་ཀྱི་བདེ་སྟོང་དཔའ་མོའི་དཔུང་། །
རབ་འབྱམས་རྩ་གསུམ་ལྷ་ཡིས་ཕྱོགས་ལས་རྣམ་པར་རྒྱལ་བའི་ཤིས་པ་འབུམ་ཕྲག་དེང་འདིར་སྩོལ། །

རང་སྣང་རྣམ་དག་རྒྱལ་བའི་ཕོ་བྲང་དུ།།
རིག་གདངས་སྐུ་དང་ཡེ་ཤེས་རོལ་བ་ཉིད།།
མ་འགག་མངོན་དུ་བཞད་པའི་རྩ་གསུམ་ལྷས།།
ཟག་མེད་བྱིན་རླབས་འབུམ་གྱི་ཤིས་པ་སྩོལ།།

མཛེས་སྡུག་གི་ཧི་མ་ལ་ཡའི།།
རི་རྒྱུད་ཀྱི་ས་གཞིའི་བདག་པོ།།
བྷོ་ཊ་ཡི་གཅེས་ནོར་གཅིག་པུ།།
བརྗེད་ཐབས་ཤིག་བྲལ་བའི་གྲོགས་མཆོག།
གཡག་རྒན་ཁྱེད་བདེ་མོར་བཞུགས་སམ།།

ཀ་དག་ཁྲེགས་ཆོད་ལྟ་བའི་བརྡར་ཤ་ཞིག་བཅད་དེ།།
ལྷུན་གྲུབ་སྣང་བཞིའི་ལམ་ལས་འོད་སྐུ་རུ་གཤེགས་པས།།
རྒྱ་ཆེན་དོན་གཉིས་མངོན་རྫོགས་ངེས་དོན་གྱི་དཔའ་བོ།།
ཀུན་སྤངས་བླ་མ་ཆོས་དབྱིངས་ཕུན་ཚོགས་དེ་མཁྱེན་ནོ།།