མ་དག་ཀུན་རྫོབ་འཁྲུལ་བའི་འཁོར་ལོ་ཉིད།།
ཁྱབ་བརྡལ་ཡེ་ཤེས་དབྱིངས་སུ་ཞིག་པ་ལས།།
ཟག་བྲལ་བདེ་ཆེན་རོ་ལ་རྟག་སྤྱོད་མཁན།།
རྗེ་བཙུན་བླ་མ་ཚུལ་ཁྲིམས་རྒྱ་མཚོར་འདུད།།
ཟླ་བ: 2022 ལོའི་ཟླ 6
རྨད་བྱུང་སྡེ་བཞི་དགེ་བཅུའི་ཡོན་ཏན་གྱི།།
འོད་ཟེར་འབུམ་ལྡན་གསེར་གྱི་པྲོག་ཞུ་ཞིག །
རབ་ཡངས་གོ་ལ་ཆེན་པོའི་གཙུག་རྒྱན་དུ།།
མཛེས་པར་བརྒྱན་འདྲའི་གྲོང་ཁྱེར་ཆེན་པོ་བསྔགས།།
མཐོ་རིས་ཞིང་ནས་གནམ་གྱི་སྲས་མོ་དེས།།
འཛམ་གླིང་མི་རྣམས་དགའ་བ་བསྐྱེད་པའི་སླད།།
རིན་ཆེན་ལྷ་རྫས་ས་ལ་གཏོར་བ་ལས།།
བཏུང་བའི་དྭངས་མ་ཇ་ཡི་མེ་ཏོག་བཞད།།