དཀར་ཆག: དཔྱད་རྩོམ

རྒྱལ་བའི་དགོངས་བཅུད་ཐེག་པ་ཀུན་གྱི་མཆོག །
འོད་གསལ་རྫོགས་པ་ཆེན་པོའི་མན་ངག་གིས། །
སྐལ་ལྡན་ཆོས་སྐུར་ཁྲིད་པའི་ཕྲིན་ལས་ཅན། །
བདག་གི་བླ་མ་བདུད་འཇོམས་གླིང་པར་འདུད། །

རྒྱལ་བསྟན་ཉིན་བྱེད་ནུབ་རིར་ཕྱོགས་དུས་འདིར། །
སྙིང་པོའི་གཞུང་ལ་ཐོས་བསམ་བྱེད་པའི་བློས། །
གལ་ཆེན་ཆོས་ཀྱི་ཐ་སྙད་ལ་དཔྱོད་ཕྱིར། །
རང་སེམས་ཀློང་ནས་བརྡོལ་བའི་གཏམ་ཞིག་འགོད། །

དབྱིངས་ཀྱི་གཙོ་མོ་མཁར་ཆེན་མཚོ་རྒྱལ་དང་།།
ཨ་མ་ལབ་སྒྲོན་འགྲོ་བ་བཟང་མོ་སོགས།།
ཁ་བ་རི་པའི་མཁའ་འགྲོ་མ་རྣམས་ལ།།
མི་ཕྱེད་དད་པས་ཡང་དང་ཡང་དུ་འདུད།།

ཀུན་རྟོག་སྤྲོས་པའི་དྲྭ་བ་ཡོངས་ཟད་ནས།།
ཀུན་གཞིའི་ཆོས་རྣམས་དབྱིངས་སུ་ཞིག་པ་ན།།
ཀུན་ཏུ་བཟང་པོའི་རང་ཞལ་མངོན་གྱུར་པས།།
ཀུན་ལས་རྒྱལ་བའི་དགའ་སྟོན་རོལ་ལ་བསྔགས།།