མ་དག་ཀུན་རྫོབ་འཁྲུལ་བའི་འཁོར་ལོ་ཉིད།།
ཁྱབ་བརྡལ་ཡེ་ཤེས་དབྱིངས་སུ་ཞིག་པ་ལས།།
ཟག་བྲལ་བདེ་ཆེན་རོ་ལ་རྟག་སྤྱོད་མཁན།།
རྗེ་བཙུན་བླ་མ་ཚུལ་ཁྲིམས་རྒྱ་མཚོར་འདུད།།
ལོ: 2022 ལོ།
རྨད་བྱུང་སྡེ་བཞི་དགེ་བཅུའི་ཡོན་ཏན་གྱི།།
འོད་ཟེར་འབུམ་ལྡན་གསེར་གྱི་པྲོག་ཞུ་ཞིག །
རབ་ཡངས་གོ་ལ་ཆེན་པོའི་གཙུག་རྒྱན་དུ།།
མཛེས་པར་བརྒྱན་འདྲའི་གྲོང་ཁྱེར་ཆེན་པོ་བསྔགས།།
མཐོ་རིས་ཞིང་ནས་གནམ་གྱི་སྲས་མོ་དེས།།
འཛམ་གླིང་མི་རྣམས་དགའ་བ་བསྐྱེད་པའི་སླད།།
རིན་ཆེན་ལྷ་རྫས་ས་ལ་གཏོར་བ་ལས།།
བཏུང་བའི་དྭངས་མ་ཇ་ཡི་མེ་ཏོག་བཞད།།
ཤར་མདོ་སྨད་མགོ་ལོག་ཡུལ་ལྗོངས་སུ།།
ཡུལ་སྐྱིད་པོ་སྨར་ཁོག་ལུང་བ་ཞེས།།
སྟེང་ལྷ་ཡུལ་ས་ལ་འཕོས་འདྲ་བ།།
ལས་སྐལ་བ་ཅན་ཚོའི་ཕ་ཡུལ་ཡིན། །
དབྱིངས་ཀྱི་གཙོ་མོ་མཁར་ཆེན་མཚོ་རྒྱལ་དང་།།
ཨ་མ་ལབ་སྒྲོན་འགྲོ་བ་བཟང་མོ་སོགས།།
ཁ་བ་རི་པའི་མཁའ་འགྲོ་མ་རྣམས་ལ།།
མི་ཕྱེད་དད་པས་ཡང་དང་ཡང་དུ་འདུད།།
གངས་ལྗོངས་ཆོས་ཀྱི་དཔའ་བོ་བཞད་པ་ཡི་རྡོ་རྗེ།།
དྲི་མེད་འོད་ཟེར་རྒྱལ་བ་ཀུན་འདུས་ཀྱི་སྤྱི་གཟུགས།།
མཁྱེན་བརྩེའི་འོད་ཟེར་ལ་སོགས་སར་བཞུགས་ཀྱི་དཔའ་བོ།།
སྔོན་བྱོན་གོང་མའི་རླབས་ཆེན་རྣམ་ཐར་ལ་སྙེག་རན།།