སྔོན་གྱི་ལས་དང་སྐལ་བ་བཟང་བོ་ཡིས།།
ཤིན་ཏུ་མཛེས་པའི་འཇིག་རྟེན་མི་ཡུལ་འདིར།།
རང་ཅག་སྐྱེ་བ་བླངས་པའི་བསོད་ནམས་འདི།།
ཞིབ་ཏུ་བསམས་ན་ཡི་རང་བྱ་བའི་གནས།།
དཀར་ཆག: སྣ་ཚོགས
རང་སྣང་རྣམ་དག་རྒྱལ་བའི་ཕོ་བྲང་དུ།།
རིག་གདངས་སྐུ་དང་ཡེ་ཤེས་རོལ་བ་ཉིད།།
མ་འགག་མངོན་དུ་བཞད་པའི་རྩ་གསུམ་ལྷས།།
ཟག་མེད་བྱིན་རླབས་འབུམ་གྱི་ཤིས་པ་སྩོལ།།
མ་དག་ཀུན་རྫོབ་འཁྲུལ་བའི་འཁོར་ལོ་ཉིད།།
ཁྱབ་བརྡལ་ཡེ་ཤེས་དབྱིངས་སུ་ཞིག་པ་ལས།།
ཟག་བྲལ་བདེ་ཆེན་རོ་ལ་རྟག་སྤྱོད་མཁན།།
རྗེ་བཙུན་བླ་མ་ཚུལ་ཁྲིམས་རྒྱ་མཚོར་འདུད།།
བཅོམ་ལྡན་རྒྱལ་བ་འཆི་མེད་ཚེ་ཡི་ལྷ།།
འཇིགས་ཀུན་ལས་སྒྲོལ་ཡིད་བཞིན་འཁོར་ལོ་དང་།།
སྣང་སྲིད་ཟིལ་གནོན་དཔའ་བོ་ཆེན་པོ་སོགས།།
དེང་འདིར་སྨོན་ལམ་འགྲུབ་པའི་དཔང་པོར་གཤེགས།།