འཇིག་རྟེན་ཟིལ་གནོན་མཚོ་སྐྱེས་རྒྱལ་བའི་བཀའ་ལུང་གནམ་གྱི་ཤེད་མོང་གིས།།
ཁམས་གསུམ་དབང་བསྒྱུར་ཆོས་ཀྱི་རྒྱལ་བོ་འགྲོ་བའི་དེད་དཔོན་དུ་བཀུར་པ།།
ཚད་མེད་མཁྱེན་བརྩེའི་གཏེར་ལ་དབང་འབྱོར་གངས་ལྗོངས་རིག་པ་འཛིན་པའི་གཙོ།།
ཨ་བྷྱ་ལཀྵཾ་ཀ་རའི་མཚན་མཆོག་འཆང་བ་གང་ལ་ལན་མང་བསྔགས།།
དཀར་ཆག: བསྟོད་ཚོགས
སྐྱེ་འགག་མཚན་མའི་དྲྭ་བ་ཡོངས་དག་ཅིང་།།
འཁོར་འདས་ཀུན་ལ་བརྡལ་བའི་དེ་བཞིན་ཉིད།།
མངོན་དུ་མཇལ་ཚེ་འཕགས་པའི་སར་བགྲོད་པ།།
ཨ་མ་སྟོང་ཆེན་རྒྱལ་མོར་གུས་པས་འདུད།།
ལྷར་བཅས་འགྲོ་བ་ཡོངས་ཀྱི་མགོན།།
བདེན་གཉིས་སྟོན་ལ་ཟླ་བྲལ་བ།།
ཐབས་མཁས་བརྩེ་བ་ཆེན་པོའི་བདག །
བཅོམ་ལྡན་ཤཱཀྱའི་རྒྱལ་པོར་བསྔགས།།